El músicu arxentinu-israelí Daniel Barenboim va inaugurar el 6 de mayu les obres de l’academia de música pa la formación de xóvenes d’Oriente Mediu, que va quedar instalada nun antiguu almacén de la Staatsoper Unter den Linden de Berlín.

Les obres van ser presentaes pol propiu Barenboim y el titular de cultura del gobiernu alemán, Michael Naumann, indicaron fontes de la so fundación. La institución va llevar el nome d’Academia Baremboim-Said, n’alcordanza del fallecíu intelectual palestín Edward Said, cofundador xunto col músicu de la Orquesta West-Easter Divan qu’integren músicos árabes ya israelís y que fue creada en 1999.

Barenboim, director musical de la Staatsoper Unter den Linden, el principal teatru d’ópera de Berlín, dende 1992, fundó l’academia musical en xunetu de 2012 pa formar a xóvenes d’Oriente Mediu, según el modelu col que naciera la West-Easter Divan.

Les obres tan presupuestaes en 46,6 millones de dólares, de los que 27,6 van dir al cargu de les arques públiques y el restu de patrocinadores privaos. Va quedar instalada nun antiguu almacén de la Staatsoper, anguañu en procesu d’una fonda remodelación, y va disponer de 6.500 metros cuadraos, ente espacio pa ensayos, auditorios, oficines y cafetería.

Prevése que l’academia abra les sos puertes na seronda de 2016 y qu’ufierte cursos de tres años de duración. L’Academia forma parte del proxectu col que naciera la West-Easter Divan, que tien la sé principal en Sevilla y qu’en 2002 recibiera’l premiu Príncipe d’Asturies a la Concordia.