Joseph Goebels publicó en 1944 un llistáu d’artistes representativos del Tercer Reich. El documentu del Ministru de Propaganda d’Adolf Hitler, realizáu pa eximir a los creadores del serviciu militar, incluyía los nomes de Richard Strauss y Herbert von Karajan, militantes del Partíu Nazi. La nomada “Llista d’elexíos” podría considerase un exemplu de que l’arte tamién ye cómpliz de sistemes dictatoriales, que l’arte non siempre ye antifascista nin antitotalitariu.

La hestoria evidéncialo: tou réximen tien un grupu d’intelectuales que lu apoya. El nazismu, por exemplu, creó una estética afín a los sos intreses: l’arte, más, más qu’un papel  políticu, cumplía un rol propagandísticu. Que llegara al espectador ensin mayores complicaciones, que fuera claro y entendible, que reeducara al públicu, que despreciara l’elitismu a favor del realismu heroicu.

Hitler promovió les artes visuales, el cine, la música. Hai creadores importantes que simpatizaron col sistema. Richard Strauss, enantes de reconocer los horrores del nazismu, fue presidente de la Cámara de Música del gobiermu alemán.

El cine tien el so casu más representativu nel fascismu italianu. Yá clásicu ye la Cinecittá, un estudiu fundáu por Mussolini pa compitir con Hollywood, que xunto con otres instituciones produxo más de 600 películes en poco más de 10 años. Italia dexó nesa época un “Manifiestu de los Intelectuales Fascistes” que fue escritu pol filósofu Giovanni Gentile y firmólu xente como Curzio Malaparte, Marinetti y Ungaretti, incluso un escritor como Luigi Pirandello aprobólu llueu.

La Unión Soviética tamién tuvo artistes que l’apoyaron. Máximo Gorki presidió la Unión d’Escritores Soviéticos. Jrénnikov llideró la Unión de Compositores d’esa nación, un estalinista que persiguió y criticó a Prokófiev y a Shostakóvich, por citar dos exemplos. Arriende de que, nel mundu enteru, milenta artistes simparizara col comunismu y, de manera particular, con periodu estalinista, como Sartre, André Breton, Diego Rivera o Neruda, que-y escribió un poema.

América Llatina tien la so propia hestoria de creadores qu’apoyaron rexímenes. La revolución cubana contó con escritores como Alejo Carpentier y cantautores como Silvio Rodríguez. Como polémicos fueron n’Arxentina los almuerzos del dictador Videla con Jorge Luis Borges y Ernesto Sábato.