El compositor británicu Michael Nyman, autor de la música de la película “El pinao”, compuso la so sinfonía númberu 11 n’homenaxe a les 96 víctimes del desastre del estadiu de fútbol del Hillsborough, del qu’acaben de cumplise 25 años.

Nyman espera que la so sinfonía númberu 11 seya una pequeña contribución pero significativa p’axudar a les families de les víctimes nel camín de la so repuperación, nel momentu nel que s’abre una nueva investigación sobre les circunstancies del drama nesi estadiu del norte d’Ingalaterra.

Esta obra dura una hora ya inspírase en “Memorial”, una marcha fúnebre de 1985 n’homenaxe a les 39 víctimes de la traxedia del estadiu de Heysel, en Bruxelles, durante la final de la Copa d’Europa ente la Juventus italiana y el Liverpool ingalés.

La sinfonía va interpretase’l 5 de xunetu na catedral de Liverpool, d’onde veníen la más grande parte de los 96 hinches muertos el 15 d’abril de 1989 nes estadiu de Hillsborough, en Sheffield, durante una semifinal de Copa ente’l Liverpool y el Nottingam Forest.

Les víctimes morrieron asfixaes y aplastaes contra les verxes que separtaben les grades del tarrén de xuegu, depués de que s’acumularan más persones de les que debíen nes tribunes del vetustu estadiu del Sheffield Wednesday.