L’alcalde d’El Hatillo, al delláu de Caracas, ún de los centros turísticos más visitaos del país, y miembru de la dirección de l’Asociación d’Alcaldes por Venezuela, David Smolansky, denunció ante 40 alcaldes d’Iberoamérica la “persecución política que sufren los gobernantes municipales de l’Alternativa Democrática” per parte del gobiernu de Nicolás Maduro, na conferencia de “Ciudades para la vida”, organizada pol Centru Iberoamericano de Desarrolu Estratéxicu Urbanu, na ciudá de Medellín.

“Anguañu, dos alcaldes tan encarcelaos inxustamente por un Tribunal Supremu de Xusticia qu’al traviés de xuicios express dicta sentencies a los disidentes”, denunció Smolansky durante’l so derechu de palabra nel eventu. Nesti sentíu, explicó que Daniel Ceballos, alcalde que fuera invitáu a esta conferencia y que nun pudiera asistir por tar presu, “fue secuestráu per unes hores por organismos d’intelixencia del Estáu y depués lleváu a la so celda”.

Amás, comenytó qu’Enzo Scarano, otru alcalde, fuera citáu a una audiencia nel Tribunal Supremu de Xusticia y sentenciáu a diez meses de prisión. Smolansky agregó que la nueva metodoloxía per parte del Poder Xudicial “ye citar a les autoridaes municipales a audiencies qu’una vez terminen nun sabemos si podremos siguir en llibertá”.

El tamién dirixente de Voluntá Popular, denunció qu’anguañu en Venezuela’l 30 per cientu de los alcaldes de l’Alternativa Democrática “tamos baxo inxustes averiguaciones xudiciales”. “Solicitamos a los 40 alcaldes de diferentes municipios d’Iberoamérica que se solidaricen coles autoridaes locales en Venezuela y qu’aquellos alcaldes que güei tan presos y otros que son persiguíos podamos contar con un respaldu más allá de les nuestres fronteres”.

L’alcalde d’El Hatillo resaltó que “una ciudá ta desalmada cuando la llibertá de los sos ciudadanos, la democracia y los derechos humanos son inexistentes