Manifestantes pro rusos tomaron edificios gubernamentales nel este d’Ucraña y proclamaron la creación d’una república separatista, n’acciones que Kiev describió’l llunes como un plan pa xustificar una invasión rusa que dixebre’l país.

Kiev informó que la toma d’edificios estatales en tres ciudaes del corazón industrial del este, de fala mayoritaria rusa, yeren una réplica de los acontecimientos de Crimea, territoriu de la península del mar Negru que Moscú amestó depués de que les sos tropes lu ocuparan el mes pasáu.

Activistes pro rusos tomaron el domingu pela nueche edificios públicos de Donetsk, Járkov y Luhansk pidiendo que se cellebraran referendos como’l de Crimea. El presidente interín d’Ucraña, Oleksander Turchinov, expresó en declaraciones televisaes que Moscú taba intentando repitir l’escenariu de Crimea. Y agregó que se desplegaríen midíes antiterroristes escontra los que se llevanten n’armes.

La policía urañana dixo que despexara a los manifestantes de Járkov, pero en Luhansk los activistes llevaron armes del arsenal municipal. En Donestsk, base del presidente destituyíu respaldáu por Moscú Viktor Yanukovich, unos ciento venti manifestantes pro rusos que s’autodenominaron Pueblu Republicanu Soviéticu de Donetsk tomaron la cámara de l’asamblea rexonal. Un home con barba, non identificáu, lleyó l’acta de proclamación d’un estáu independiente, la República Popular de Donetsk, frente a una bandera rusa blanca, azul y roxa.

A diferencia de Crimea, onde los rusos son mayoría, gran parte de los habitantes del este y sur d’Ucraña son ucrañanos pero falen rusu como primer llingua. Influyentes empresarios nes rexones del este que dalguna vez respaldaron a Yanukovich cambiaron mayormente’l so apoyu hacia l’actual gobiernu de Kiev y l’axitación social nesa zona ye una prueba de la so capacidá pa mantener el control.