Cada añu, cientos de xóvenes músicos del mundu enteru aterricen en Viena atrayíos pol prestixu y la calidá de les sos escueles, pero tamién por unos precios que la faen más económica qu’estudiar n’España o en Llatinoamérica.

Según los últimos datos, nel Conservatoriu de Viena, una entidá privada, el 55 per cientu de los sos 855 alumnos son extranxeros, demientres que’l 47 per cientu de los 1.488 estudiantes de la Universidá de Música y Ate Dramáticu de Viena (MDW) tampoco son austríacos.

Les pruebes de selección nun son fáciles y cada añu namás ente un 5 y un 10 per cientu de los aspirantes consigue matriculase.

Otru de los atractivos qu’ufierta esta ciudá, dende va sieglos considerada como la capital mundial de la música ye, arriendes de la calidá educativa, el so baxu coste. Pa un estudiante de fuera de la Xunión Europea, un semestre na Universidá de Música de Viena cuesta 750 €, demientres que pa un comunitariu cuesta namás que 17 €. Nes privaes, los precios oscilen ente los mil euros y los mil quiniestos al añu, mui poco en comparanza con otres instituciones educatives privaes, seyan n’Europa o América.

Realizar los mesmos estudios na Escuela Superior de Múcia de Cataluña o nel Liceu de Barcelona cuesta al menos tres mil euros al añu.