El llunes 17 de febreru de 2014 aconceyóse nel salón de xuntes de la dirección de zona del Caudal de Cajastur el xuráu de la XLI edición de los Galardones Mierense del Añu.

Cada miembru del xuráu, integráu por venti mierenses, votó les candidatures. Tres del recuentu de votos, quedaron proclamaos los Mierense del Añu 2013, que fueron: l’Asociación Cultural y Minera Santa Bárbara, l’Asociación de Pensionistes Santa Eulalia d’Uxo y el turonés Manuel Jesús López González.

Igualmente, la Xunta Xeneral de l’Asociación Cultural Galardones Mierense del Añu, por unanimidá, decidió conceder les siguientes distinciones: el Premiu al Deporte Amateur Alfredo Visiola Rollán al Club de Petanca El Candil d’Uxo, la Insignia d¡Oru de los Galardones a Elvira Señorans Diz y a Fernando García Valiñas, la Medalla de los Galardones al establecimientu Casa Alonso de Mieres, la Placa d’Honor de los Galardones al diariu La Nueva España y el Distintivu al Méritu Empresarial a la empresa Piensos Lago.

L’actu d’entrega d’estos Galardones y distinciones tendrá llugar a les ocho de la tarde nel salón d’actos del centru cultural Cajastur de Mieres, presentáu por Sonia Fidalgo y baxo la presidencia del Viceconseyeru de Cultural del Principáu d’Asturies Alejandro Calvo.