El expresidente Nicolas Sarkozy ye investigáu pola xusticia francesa dientro d’una instrucción rellacionada con un casu de presunta corrupción, según informaba esti vienres el diariu Le Monde.

El vespertín galu indica que l’antiguu xefe del estáu, arriendes de dos de los fueron los sos ministros –el d’interior, Claude Guëant, el d’interior, Brice Hortefeux- tamién fueron sometíos a escuches ordenaes pola xusticia.

La investigación taba rellacionada, de mano, coles pesquises abiertes el 19 d’abril de 2013 pa determinar si parte de la campaña ellectoral de Sarkozy, que lu llevara al cargu en 2007, fue financiada pol réximen llibiu de Muamar Gadafi.

Les escuches a les que fuera sometíu Sarkozy recientemente conduxeron, según el diariu, a l’apertura d’una investigación xudicial polos cargos de “violación del secretu del sumariu” y de “tráficu d’influencies” el pasáu febreru.

La revelación de Le Monde conozse depués de qu’esta mesma selmana la policía rexistrara’l despachu de Trhierry Herzog, abogáu del expresidente, na investigación mencionada.