Unos 50 especialistes lliterarios participen nel coloquiu internacional que, ente güei y mañana, revisa’l llegáu del ilustre poeta portugués Fernando Pessoa (1888-1935), autor d’una orixinal y caledoiscópica obra, una de les más grandes influencies de poesía asturiana d’anguañu y de la poesía universal.

Con motivu del centenariu de la creación del poemariu “Una oda triunfal”, del so eterónimu Álvaro Campos, l’aconceyamientu tien como cometíu estblecer un ampliu debate alredor de la vida y la obra de Pessoa. L’eventu, organizáu pola Fundación Calouste Gulbekian de Lisboa baxo’l títulu “El día triunfal de Fernando Pessoa”, inclúi un concursu de curtiometraxes sobre’l lliteratu y promueve esti domingu un paséu qu’evoca los llugares predilectos del escritor.

L’insondable estilu de Pessoa ye mui apreciáu gracies al usu d’heterónimos, una técnica de la que se sirvió pa crear autores ficticios que producen obres y conteníos diferentes. Bernardo Soares, Álvaro de Campos, Ricardo Reis y Alberto Caeiro son cuatro de los heterónimos más conocíos del poeta, al que comunmente se lu retrata con aire con aire circunspectu adornáu poles sos inseparables gafes y característicu sombreru.

El llegáu lliterariu del autor sobresal el poemariu “Mensaxe” (1934) y la famosa novela “El llibru del desasosiegu”, escrita con un estilu de diariu y qu’apareción años depués del so fallecimientu.

“La oda triunfal”, de la se conmemoren los sos cien años nesti coloquiu, ye otra obra aplaudida pola crítica y compónse de 240 versos n’estilu llibre supuestamente ellaboraos d’un tirón pol autor, ensin enmiendes nin parones, durante una estancia en Londres.