Los compradores d’Asia, Oriente Mediu y Rusia convirtieron 2013 nel meyor añu de la hestoria de les subastes d’arte, con cerca de 9 mil millones d’euros en ventes, con Basquiat reinando nel Top 100.

Según l’informe qu’ellabora la consultora Artprice, que manexa datos sobre cotizaciones, índices d’arte y resultaos sobre mediu millón d’artistes, 2013 fue’l meyor añu enxamás rexistrá na hestoria de les subastes, coles meyores ventes de Christie’s en 247 años d’hestoria, marcada pol crecimientu del arte de posguerra y contemporaneu.

El sector del arte antiguu, señala l’estudiu, pierde fuerza (un 9,3% del mercáu mundial, en 2012-13) dientres medra l’arte contemporaneu, el tercer segmentu más rentable (un 13% del mercáu) tres de le sobres modernes (47,5%) y de posguerra (20,5%).

El récord absolutu d’adxudicación pa una obra d’arte fue pal británicu Francis Bacon, qu’algamó los 92,4 millones d’euros. Los tres artistes contemporaneos más rentables pa los operadores de ventes fueron Jean-Michel Basquiat y Christopher Wool: 227,9 millones d’euros n’adxudicaciones nos últimos doce meses, un 21,7% de tol mercáu mundial.

La demanda, señala Artprice, globaizóse, n’especial con compradores d’Asia, d’Oriente Mediu y de Rusia, que tienen un apetitu descomanáu polos artistes emblemáticos del sieglu XX.

El mercáu español, indiquen, presenta cifres catastrófiques con unos ingresos por arte contemporaneu hasta un 62% más baxos y más que nada con una tasa d’obres non vendíes dafechamente inquietante, yá que más del 70% de les obres contemporanees subastaes esti añu nun toparon comprador, frente a una tasa d’bres non vendíes a escala mundial del 37,3%.

L’únicu español qu’aparez na llista ye Miguel Barceló, qu’coupa’l puestu 42 con 3,8 millones d’euros por 34 pieces vendíes.