Pela primer vez na hestoria, la ceremonia de los Óscar va emitise per internet nel Estaos Xuníos, por mor de la plataforma WATCH ABC, de la cadena ABC, que ta disponible tamién en formatu d’aplicación pa dispositivos Android ya iOS (Apple), según informó nesti día l’Academia. La tresmisión na web, simultanea a la que se va realizar por televisión, va tener sicasí un accesu llimitáu.

Únicamente va poder ser siguida polos usuarios de los servicios d’internet de Comcast, Cablevision, Cox Communications, Charter Communications, Midcontinent Communications, Verizon FiOS, Google Fiber y AT&T U-Verse, qu’amás residen en Nueva York, Los Ánxeles, Chicago, Filadelfia, San Francisco, Houston, Raleigh-Durham y Fresno.

La retresmisión va incluyir l’alfombra roxa  y la ceremonia d’entrega d’estatuilles, asina como’l programa de Jimmy Kimmel que va analizar l’eventu en concluyendo.

Asinamesmo, l’Academia y ABC va ufrir ensin restricciones pa tolos usuarios de WATCH ABC la posibilidá de siguir la ceremonia ente bastidores y ver lo que capturen más de 15 cámares instalaes nel teatru Dolby de Hollywood.

La ceremonia de la 86 edición de los Óscar va dar empiezu’l próximu domingu a les 17:30 hora llocal (01:30 GMT).