Andecha Astur denunciará énte Bruseles la privatización del  Muséu financiáu con fondos europeos.

Énte la convocatoria pola Conseyería d’Agroganadería y Recursos Autóctonos del Principado de concursu públicu pa llicitar, con calter urxente,  la xestión del Muséu La Casa del Agua en Rusecu (Sobrescobiu), ensin otru canon de llicitación que “el qu’ufierten los llicitadores”, Andecha Astur manifiesta la so refuga a lo que ye una privatización de la xestión pública d’esti muséu y que podríe ser un pelligrosu precedente pal futuru sistema de xestión de los demás museos y cientros d’interpretación ya información ambiental del país.

Per otru llau, Andecha Astur atalanta, que siendo La Casa del Agua un muséu financiáu con fondos europeos, la privatización de la so xestión, y másime siendo ensin dengún canon previu, supondríe la utilización de fondos públicos europeos pa beneficiu particular, lo que diríe escontra les condiciones poles que foi financiáu esti recursu mediuambiental, tolo cualo denunciará énte Bruseles.

El Muséu La Casa del Agua ye ún de los pocos equipamientos culturales del parque natatural de Reres, y tuvo  xestionáu dende 2.002 pola Fundación Oso, de pública vinculación col partíu nel gobiernu del “Principado”, presllando na primavera de 2010, comu resultáu d’una xestión más que controvertía na dinámica de les redes clientelares del PSOE, y permaneciendo inxustificablemente presllada fasta la fecha.

La so privatización ensin canon previu supón agora un precedente na xestión de recursos culturales y medioambientales, y mui probatiblemente, el postrer pasu del clientelismu políticu.