L’actor Warren Beatty va dirixir y protagonizar una película basada na figura del magnate Howard Hughes, un proxectu que va suponer el so regresu a Hollywood quince años depués de rodar “Bullworth”, la so última obra detrás de les cámares.

L’u´timu papel na gran pantalla de Warren Beatty fuera en “Town & Country”, del añu 2001, una comedia romántica onde compartía escenes con Diane Keaton, Goldei Hawn y Nastassja Kinski.

El cineasta torna con un proxectu que lleva cariciando dende va dos décades y que finalmente va tomar forma gracies a la participación de los multimillonarios Ron Burkle y Steve Bing, amás de les productores Windsor Media, New Regency y RatPac Entertainment. El presupuestu col que va contar Warren Beatty va rondar los 27 millones de dólares.

El ganador del Óscar al meyor director por “Reds”, en 1981, va contar nel repartu con Alden Ehrenreich, que va dar vida al asistente de Hughes, y con Lily Collins, la so pareya nel filme. Amás, espérase la presencia de l’actriz Annette Bening, esposa de Warren Beatty, y tamién del actor Matthew Broderick. La película, con guión del propiu Warren Beatty, va xirar en toprnu a la hestoria amorosa de los personaxes encarnaos por Ehrenreich y Collins.