L’Agrupación Coral Polífónica San Félix de Llugones entamó na mañana del domingu la primera de les semifinales del XXII Concursu y Muestra de Folclor “Ciudá d’Uviéu”, que tien llugar nel Teatru Filarmónica y que se retresmite al traviés de TPA nel programa SONES.

La mañana, arriendes de lo propio del concursu, dedicóse a homenaxear a Carlos Jeannot, el so director recientemente fallecíu. Arriendes de la propia presentadora del concursu, Esther Fonseca, pol escenariu del teatru pasaron Juan Manuel Martín Caso, presidente de l’Asociación Cultural Cantu la H.orma, Juan Menéndez Jeannot, hermanu de Carlos Menéndez Jeannot, y Javier Blanco, periodista de La Nueva España.

Xunto a ellos, un videu amosó a Carlos Jeannot al frente del so programa en TVE “Canción Asturiana”, presentado a Los 4 Ases, otru más cerró dando pasu a un cantar de Jaime Caleya, tamién acabante de morrer estos díes atrás, y un video más daba un repasu a la so vida y traxectoria profesional,

Como participantes compotieron nestas primera semifinal la citada Coral, cunto a los cantadores Jesús Alonso, Corsino Llaneza, Belén Arboleya, Eduardo Naredo, Vanesa Seña, Adolfo Uría, Liliana Castañón y Juan Robledo, los gaiteros Jaime Álvarez y Alejandro Fernández Baragaño, y la pareya de baille integrada por Iván Fernández y Verónica Álvarez.