Cangas.-Esti vienres 21 de febreiru, concidiendo cona celebración del Día Internacional de la ¿¿ingua Materna, el Serviciu de Normalización ¿¿ingüística de Cangas vei presentar la súa campaña denominada ¡Que nun t'esfaraguye'l pan!
Una iniciativa que pretende, d'una parte, ufiertar bolsas de tela pal pan atendiendo a obxectivos de sostenibilidá medioambiental ya ecónomicos ya, d'outra, rescatar nomes tradicionales vinculaos a la producción de pan (tan arraigada na zona canguesa) mediante la impresión de vocabulariu nas propias bolsas de pan; nesti sentíu, hai qu'esclariar que mientras nas bolsas de fogaza namás vei aparcer vocabulariu propiu de la zona suroccidental, nas bolsas de barra apare vocabulariu de la zona entemecíu con palabras d'outras zonas d'Asturias. Esto último planteóuse asina al tar esta campaña editada en xunto conos conceyos que forman la Rede de Normalización ¿¿ingüística nos Conceyos, en concreto: ¿¿ena, Llaviana, Mieres, Siero ya Cabu Peñes.
Amás d'estas bolsas, el Serviciu de Normalización ¿¿ingüística repartirá folletos esplicativos conos distintos términos del mundu'l pan impresos nas bolsas.
La campaña tien el propósitu firme de mirar pola sostenibilidá ambiental, apoyando la producción casera de pan ya l'usu de bolsas permanentes que nun desgasten el mediu ya, cumo nun podía ser d'outra manera, de rescatar los nomes de la nuesa tradición artesana d'esta ya d'outras zonas d'Asturias, celebrando asina la rica diversidá gastronómica ya ¿¿ingüística asturiana.
