Una mexicana escuende nel bolsín una pequeña pistola calibre 25 mm. Malapenes sabe usala, pero esta ama de casa nun se desprende d’ella dende que va un añu se xuntara a les autodefenses pa combatir al cártel que matara a un fíu d’ella.

“Inda nun la usé, pero toi preparada pa disparar”, asegura esta robusta muyer de 37 años de la que vixila a la comunidá de Buenavista Tomatlán, qu’en febreru de 2013 fuera una de les primeres de la rexón de Michoacán en crear un grupu d’autodefensa y s’upara n’armes escontra los abusos del cártel de Los Caballeros Templarios.

La so hestoria ye asemeyada a la de decenes de muyeres que, baxo la solombra de los mediáticos y brengosos lídesres d’un movimientu eminentemente masculín, apoyen a les autodefenses encargándose d’alimentar y proveer de ropa a los milicianos y, tamién, faciendo d’enfermeres.

Fotografés en blanco y negro inmortalizaron la lleenda d’estes consortes de batalles subiendo a les trenes p’acompañar a los líderes revolucionarios Emiliano Zapata y Pancho Villa. Anque nun visten falda nin lleven sombreru, les integrantes de les autodefenses apoyen a los homes como lo ficieran va un sieglu muyeres como Adela Pérez Velarde, que sirviera como enfermera de les tropes ya inspirara la popular tonada “La Adelita”.