La xoven Génesis Carmona, Miss Turismu 2013, morrió esti mediudía, lluéu de ser operada’l día d’ayeri d’un impactu de bala na cabeza de la que participaba na marcha que se dirixía dende l’avenida Cedeño de Valencia en Caracas, hacia la Plaza de Toros Monumental nel sur d’esta ciudá y qu’acabó nuna engarraza.

Médicos de la clínica desplicaron qye fuera operada ayeri y unviada depués a terapia intensiva, nun estáu de salú mui delicáu. Carmona alcontrábase en mui mla estáu depués de operada na Unidá de Curiaos Intensivos, en Valencia, tres de recibir un impactu de bala na caneza demientres participaba nes protestes que s’escenificaron el día d’ayeri nesa ciudá.

Fuera elexida Miss Turismu 2013 en mayu del añu pasáu, a los 21 años. Estudiaba l’once semestre de Ciences Sociales, na Universidá Tecnolóxica del Centru de Valencia y tamién desempeñaba trabayu como modelu profesional.

El gobernador del estáu de Carabobo, Francisco Ameliach, llamara’l día anterior a los integrantes de les Unidaes de Batalla Bolívar-Chávez a preparase pal “ataque fulminante” ensontra los “fascistes”. Nel mesmu mensaxe dixera que’l presidente de l’Asamblea Nacional, Diosdado Cabello “va dar la orden”. Tamién indicara que Pablo Aure, secretariu de la Universidá, “dirixe l’ataque escontra la nuestra gloriosa Fuerza Armada Nacional Bolivariana”.