El Canciller de la República, Elías Jaua, dio a conocer los nomes de los tres funcionarios de la embaxada americana declaraos “persona non grata”, que van ser expulsaos del país pola so vinculación nel financiamientu de “grupos violentos”. Anunció que los ciudadanos tiene un plazu de 48 hores p’abandonar el territoriu.

Los diplomáticos fueron identificaos como Brent Mary McCusker, vicecónsul en Venezuela, Elsen Gordon, qu’exerce funciones vice consulares, y Clark Cristopher Lee, segundu secretariu ante la embaxada de los Estaos Xuníos en Caracas.

Jaua denunció la inxerencia de los Estaos Xuníos al traviés de la so embaxada en Caracas, al facer referencia a una serie de correos ellectrónicos unviaos pola delegación norteamericana na capital del país directamentee al Departamentu d’Estáu norteamericanu dende l’añu 2009.

Jaua explicó que lo que vive Venezuela ye “el clásicu esquema de la llamada guerra de perros, que se desarrolló nos últimos años en varios países: inxértase la violencia, l’Estáu vese obligáu, nel marcu de les sos competencies, a actuar, y lluéu vien xuníu l’asediu, l’acosu, la criminalización especialmente pol gobiernu de los Estaos Xuníos”.

Calificó tamién como “insolente” el comunicáu emitíu pol gobiernu de los Estaos Xuníos yá qu’establecía “una serie de condiciones” nes que s’alvertía que l’arrestu de Leopoldo López trayería “consecuencies internacionales”.