Finalizáu esti fin de selmana’l cuartu alcuentru de les semifinales, el Concursu de Canción Asturiana Cuenca del Caudal prepárase p’afrontar la última de les cites. Como les anteriores, va tener llugar nel Auditoriu Teodoro Cuesta de Mieres, una vuelta más baxo la organización de l’Asociación Cultural Conceyu de Mieres y la conceyalía de cultura del Ayuntamientu de Mieres.

El Xuráu tendrá d’escoyer ente les 40 voces qu’aportaran a les semifinales les 10 femenines y les 10 masculines que van enfrentase na fase final. Nesta ocasión, la de la quinta semifinal, les últimes voces de les 40 seleccionaes van ser les de María Teresa González Soto, Cristina Sánchez, Noemí Torrado, Jorge Tuya, Iván Martínez, Eduardo Naredo, Adolfo Menéndez, Isaac Sierra Longo y Álvaro Fernández Conde.

Pa ello, el Xuráu resolverá les duldes nel aconceyamientu que va tener llugar malapenes media hora depués d’intervenir l’últimu de los participante d’esta quinta semifinal. El Xuráu tará integráu pou ún de los más grandes y reconocíos maestros del xéneru, Lui Estrada, la multipremiada cantadora y profesora de canción asturiana, Anabel Santiago, y el profesor d’afinación del Conservatoriu Superior de Música “Eduardo Martínez Torner” d’Uviéu.

Malapenes se conoza la decisión del Xuráu, n’AsturiesMundial va colgase la información de quien son les voces que pasen a les finales.