Les recientes protestes y marches ocurríes en Venzuela dende’l pasáu 12 de febreru dieron la vuelta al mundu agracies a les eqtiquetes (“hashtags”) qu’utilicen los usuarios de la rede social twitter, más que nada pol amordazamientu que vien sufriendo la prensa y los medios de comunicación venezolanos nes últimes selmanes.
Non solo fueran venezolanas, tamién bien de xente forana, incluyendo periodistes, políticos y analistes manifestaron la so posición de cara a les manifestaciones que vienen ocurriendo en bien de ciudaes del país.
Una de les etiquetes más utilizaes fue #SOSVenezuela, que nel so momentu cimeru acumuló un total de 27.600 tuits per hora’l pasáu vienres nueche, según la ferramienta Hashtags.org. Na tarde del sábadu disminuyó y rexistró un máximu de 15.700 tuits.
Otra que xenerera enforma tráficu na rede social de los 140 caracteres fue #Venezuela. Nes últimes 24 hores algamó los 24.200 mensaxes per hora en tol mundu. Como la eqtiqueta #PrayForVenezuela, cola que los usuarios del mundu enteru solidarizáronse y unviaron fotos colos sos meyores deseos. Hasta 19.700 tuits per hora llograron qu’esti “hashtag” se posicionara nes primeres posiciones como lo más comentao de twitter y algamara’l primer puestu de los trending topics de Venezuela’l pasáu 13 de febreru.
#PuebloDePazALaBolívar, la etiqueta cola que l’oficialismu anunciaba la so concentración na avenida Bolívar de Caracas, tamién xeneró un importante tráficu na web al collechar hasta 13.100 tuits per hora na tarde del sábadu.
foto: Anonymous Venezuela @AnonymousVene10
"#MaturínEnLaCalle pic.twitter.com/82PzVWnwn9"
