La música rock superó al xéneru pop na venta d’álbumes nel Reinu Xuníu en 2013, la primer vez en cinco años que consigue más grande presencia nel mercáu, según l’informe de la Industria Fonográfica Británica.

La música rock acaparó’l 33,8 per cientu de les ventes totales d’álbumes nel Reinu Xuníu, un 2,5% per cientu más que l’añu anterior, y alantró al estilu pop que consiguiera un 31% del mercáu, con perdes del 2,5% respectu a 2013, según los mesmos datos presentaos.

L’álbum “Time”, del británicu Rod Stewart, fuera’l más vendíu, siguíu de la banda d’indie rock Arctic Monkeys, con “AM”, el so quintu álbum d’estudiu, y Bastille, el conxuntu del sur de Londres con so trabayu “Bad Blood”.

La música dance tamién rexistró una importante suba na venta d’álbumes l’añu pasáu, con un total del 8,3%, el so mayor incrementu dende 2006, por mor de la producción local d’artistes como Rudimental, Disclosure y Calvin Harris.

La música MOR o fácil d’escichar (“easy listening”), qu’abarca diferentes xéneros como’l pop tradicional, canciones melódiques y ciertu jzz, recaudó’l 8,1% nel mercáu de los álbumes, guiáu polos llanzamientos de xigantes de les ventes como’l británicu Robbie Williams y el canadiense Michael Bublé.