Más de 3,5 millones de xudíos en tol mundu, mediu millón n’Israel, van poder adquirir la nacionalidá española por mor del so orixen sefardí y de la modificación del Códigu Civil que’l gobiernu español aprobó esta mesma selmana.

“Ye una gran midida y ensin dulda un reconocimientu a los nuestros vínculos hestóricos con Estaña 500 años depués de la Expulsión”, dixo Asher Moshé, nacíu en Skopje, capital de l’actual Macedonia y emigráu a Israel con once años. Nuna llingua ladina parca y erosionada pelos años, Moshé tatexaba al ser preguntáu sobre si va pidir la nacionalidá española. “Yá nun soi yun mozu. Esto nun ye tanto pa los vieyos como yo, sonon palos mozos”, sorrayó sobre les posibilidaes que se van abrir pa miles d’israelíes si’l Congresu refrenda’l proxectu de llei.

El ministru de Xusticia, Alberto Ruiz-Gallardón, destacó que d’esta forma la sociedá española culmina la reparación d’un erru hestóricu, en referencia a los xudíos que fueran expulsaos d’España en 1492 y qu’anguañu tan dispersos pel mundu enteru.

Un llista con cientos d’apellíos qu’acrediten l’orixen sefardí punxo yá a bien d’israelíes en marcha a la busca de documentación pa obtener la nacionalidá española y dende esta selmana pasada los medios locales informen y dan asesoramientu xurídicu primariu a los interesaos.

Páxines como http://diariojudio.com/library/Listado-de-nombres-sefardes.pdf  dan llistaos de 5.220 apellíos sefardíes, ente los que s’alcuentre dellos tan conocíos como Carderón, Toledano, Bejarano, Arias, Caballero, Carballo, Cano, Casado, Del Valle, De la Fuente, Díaz, Florez y un llargu etcétera.

Los xudíos sefardíes, a los que’l senador Álgel Pulido (1852-1932) denominó “españoles ensin patria”, son fácilmente reconocibles porque falen ladino, un castellano parecíu al que falara Cervantes y que cientos de miles conservaron cásique intactu hasta bien entráu’l sieglu XX.