William Burroughs apienzó a escribir por aburrimientu. “Nun tenía nada más que facer”, dixera tiempu atrás nuna entrevista con Paris Review l’escritor, qu’esta selmana cumpliría 100 años.
Pola contra, “al escribir, tolos díes tenía una ocupación. De mano, cuido que los resultaos nun yeren nada espectaculares”, comentó. Pero, col tiempu, diba producir noveles como “Naked lunch” o “Junkie”, que se diben convertir en verdaderos éxitos internacionales y diben catapultar a Burroughs como iconu de la cultura pop.
Xunto a los sos colegues y amigos Jack Kerouac y Allen Ginsberg constituyó’l núcleu duru de la xeneración beat, anque quedara un poco opacáu por Kerouac, del que consideraben los críticos les obres más accesibles.
Burroughs naciera en 1914 en St. Louis, Missouri. En Nueva York conoció a Kerouac y Ginsberg y comenzó la so adicción a les drogues, problema que se diba ver reflexáu en “Junkie” y que destruyó la so salú.
