L’autora de Harry Potter, la británica J.K. Rowling, almitió que tuviera equivocada al nun xuntar al xoven magu cola heroína de la serie, Hermione Granger, nos siete llibros que componen la saga.

A cásique siete años de la publicación del últimu de la so exitosa serie de llibros, Rowling consideró que la imposibilidá de crear un romance ente los dos protagonistes fue un erru pela so parte.

L’autora agregó que la xunión d’Hermione col amigu de Harry, Ron Weasley, que se caltien al final de la saga, tuviera motivada por razones mui personales, non porque se tratara d’una parexa increyible o hubiera razones lliteraries pa sostenela.

Un epílogu a “Harry Potter y les reliquies de la muerte”, el séptimu y últimu llibru de la saga de best sellers, reveló que Ron y Hermione casaben y teníen dos fíos. En tantu, Harry casaba cola hermana menor de Ron, Ginny.

Al aniciu de la so publicación, l’ausencia d’una rellación amorosa d’Hermione con Harry provocó enoxu y demostraciones de furia ente los fans de la saga pa cola madre intelectual de los llibros.