L’enigmáticu Prince sorprendió anueche al presentar material del so nuevu álbum, “Plectrum Electrum”, con un conciertu secretu nun pequeñu local del norte de Londres. El llugar del recintu multitudinariu qu’aveza, l’artista escoyó la mítica sala Electric Ballroom del barriu de Camden pa la estrena de varios temes del so últimu trabayu, que grabó cola so nueva banda, el tríu femenín 3rdeyegirl.

Ente rumores de que se preveía una actuación especial, el cantante apareció nel escenariu a les 00:30 GMT ya interpretó una versión ralentizada de “I Could Never Take the Place or your Man”. A lo llargo de la improvisada actuación, que duró una media hora, dixo al públicu que sonaben como si fueran milenta. Vistíu con una sudadera ensin mangues y con capucha, sorpeendió a un públicu qu’aguaradaba na discoteca pa experimentar en directo esta nueva aventura musical de Prince.

Espérase que’l cantante, qu’aportó ayeri mesmu a Londres pa promocionar el so nuevu discu, anuncie nes próximes hores varies feches de conciertos nel Reinu Xuníu. Pel momentu nun trescendieran detalles de la xira, pero l’artista indicó que-y prestaría actuar en locales icónicos como Bag o’Nails, onde otrora tocara Jimi Hendrix, o’l club de jazz Ronnie Scott.