Un colleccionista d’arte británicu que pagó más de 150 mil dólares por un cuadru de Chagall y descubrió nun programa de televisión que yera falsu, criticó’l llunes que pueda ser destruyíu en Francia.

Martin Lang pagó 121 mil euros en 1992 polo que creyía que yera una obra orixinal del pintor Marc Chagall. El cuadru fue examináu por expertos nun programa de la BBC sobre obres falses y unviáu al Comité Chagall pa verificar la so autenticidá.

Lang, un empresariu inmobiliariu, descubrió horrorizáu que’l cuadru yera falsu y que la llei francesa obligaba a destruyilu. El Comité Chagall guardó’l cuadru –un desnudu supuestamente de 1909/1910- y va reunise esta selmana pa discutir el so destín.

Chagall morrió en Francia en 1985 y les sos obres cuesten millones anguañu. El Comité que lleva’l so nome ta dirixíu polos sos ñetos.