Ensin Adolphe Sax, la música nun sonaría igual. El so saxofón convirtió a Charlie Parker, Benny Carter o Steve Coleman nos más importantes músicos de jazz de tolos tiempos y ensin esi instrumentu la música de les bandes militares francesa nun se renovara.

Pero’l músicu belga y lutier, el saxofón reportó-y poques alegríes en vida. Dellos cuestionaron el so inventu y tuviera a puntu de declarase en bancarrota en varies ocasiones. Morrió va 120 años, el 4 de febreru de 1894, solu y probe, a los 70 años. Décades depués el so instrumentu comenzó a tener éxitu col surdimientu del jazz.

Sax naciera’l 6 de payares de 1814 en Dinant, Bélxica. Yá a lo llargo de la so infancia-y sonriera poco la fortuna. Cuando tenía dos años sobrevivió tres de cayer peles escaleres dende un altor d’un tercer pisu y depués intoxicóse con óxidu de cobre. Amás, cayó-y una teya sobre la cabeza que lu dexó marcáu con una zagayada de per vida.

Pero’l desfaortunáu muchachu tenía talentu pa la música y a los 14 años entró na École Royale de Musique de Bruxelles. El primoxénitu d’un lutier probe y talentosu clarinetista tenía otros 10 hermanos. Como nun-y satisfacía’l soníu del clarinete, trabayó durante años nel so taller pa construyir un clarinete de chapa de metal, naguando por llograr un soníu diferente. El nuevu instrumentu, el saxofón, malapenes desató interés dalgún en Bélxica, lo que fizo que Sax prebara fortuna en París en 1842.

En 1846 solicitó la patente d’un saxofón n’ocho tamaños diferentes, L’éxitu provocó les envivies y el músivcu viose inmersu en xuicios durante años, que-y supunxeron asinamesmo un gran desembolsu de dineru. Nengún de los sos rivales ganó, pero él acabó la batalla xudicial debilitando física y económicamente