El xuiciu escontra’l depuestu presdiente exipciu, l’islamista Mohamed Mursi, y 14 dirixentes de los Hermanos Musulmanes, supuestamente implicaos na muerte de manifestantes el pasáu avientu, aplazóse al martes que vien, 4 de febreru, informó la televisión estatal.

Mursi, que fuera depuestu por un golpe d’estáu el 3 de xunetu de 2013, fue treslladásu n’helicópteru dende la prisión de Burg al Arab, nel noroeste d’Exiptu, a l’Academia de la Policía, nes afueres d’El Cairo, onde’l Tribunal Penal de la capital exipcia llevó al acabu la tercera vista del xuiciu.

Once de los catorce acusaos (el resto son xuzgaos en rebeldía) aportaron en vehículos blindaos dende la cárcel cairota de Tora. A la entrada del recintu policial, manifestantes partidarios del nuevu réximen ximielgaron y golpearon los vehículos nos que treslladaben los abogaos defensores, ente ellos el lletráu islamista Selim al Awa.

Sicasí, la sesión desendolcóse con tranquilidá y en total ausencia de siguidores islamistes, quien avecen a manifestase fuera del edificiu cada vuelta que Mursi comparez ante los tribunales.

A Mursi y los catorce dirixentes islamistes acúsaselos de tar implicaos na muerte de dos manifestantes y feríes a otros 30 durante los incidentes desataos frente al Palaciu Presidencia d’Al Itihadiya, el 5 d’avientu de 2012.