Partes de dos poemes hasta agora desconocíos, escritos en papiru pola poetisa griega Safo de Lesbos (sieglos VII y VI enantes de Cristu), fueron descubiertos esta mesma selmana.

Según el diariu The Guardian, un colleccionista anónimu presentó los dos escritos al papirólogu estadounidense Dirk Obbink, de la Universidá d’Oxford, que constató l’autenticidá de los documentos.

Safo de Lesbos (anguañu Mitilene) ta considerada una de les poetises más importantes de l’Antigua Grecia, pero pesie a la so sonadía namás sobrevieviera ún de los sos poemes completu y partes d’otros pocos.

Safo fuera una de les primeres poetes griegues traduicida al asturiana y la so influencia ye grande na nueva poesía asturiana. Xosé Gago fuera’l traductor de “Poemes y fragmentos” de Safo en 1985.

Ente ellos, el que se conserva íntegru y quempieza:

“Afrodita inmortal de tronu pintu

fía de Zeus qu’urdes ximuestres, ruégote

nun m’adondar con ansies nin congoxes

señora, l’ánimu”.

Al parecer, ún de los documentos acabante atopar alcuéntrase nun mui bon estáu de conservación.