El Consorciu de Tresportes del Principáu d'Asturies camuda y volverá enllantar les paraes de tresporte per carretera que dan serviciu a los pueblos ente La Pola L.lena y Payares. Estos pueblos llevaben dende va trés años viendo como pasaba l'autobús per delantre de les sos cases y nun recoyía a los viaxeros, situación agravada cola eliminación del tresporte por ferrocarril nos últimos meses. L'alcalde de L.lena, Ramón Argüelles, en repitíes ocasiones, demandó a esti consorciu del Principáu la so recuperación pa dar serviciu a los vecinos, ensin resultancia hasta que'l diputáu Aurelio Martín, na Xunta Xeneral, rexistró nel mes de noviembre una Proposición Non de Llei nel Parlamentu asturianu esixendo'l serviciu del tresporte. Nun foi hasta  esti miércoles cuando, na  rueda  prensa de dambos pa denunciar el problema que carecen 136 vecinos, el Director del Consorciu comunicó al alcalde que n'aprosimao un mes Alsa volverá parar nestos ocho núcleos de población, calteniendo los trés servicios que primeramente emprestaba.