La nuestra, los nuestros. Exemplos perayuri. Miren pa esti. En Zamora, onde entá se fala un daqué d'asturianu, ponen en marcha una empresa, Llobu (Los empresarios y el llobu , La páxina del llobu). ¿Creen qu'eso diba pasar equí? ¿Nun diben pensar que nun dibe tener un solu ingresu si llamaben a la so empresa con un nome n'asturianu?

Nun hai más que dir a cualquier zona del dominiu llingüísticu asturianu, Cantabria, per exemplu, Zamora, y ver cómo ellí la xente remana nos negocios l'asturianu ensin ninún problema. ¿Y equí? Si por un milagru un hosteleru pon na carta andarica o ñocla (si lo pon, digo, de milagru), vese obligáu a traducilo, porque, a non facelo, piensa que nun vende.

Nun son solo los políticos, ye la xente. ¡Tan especialinos! ¡Con tantu despreciu de lo nuestro y de lo suyo!

Esa ye la nuestra seña d'identidá más fondera, al fondu de la cuala, ente otres coses, ta la ignorancia y la voluntá de nun querer salir d'ella. Una ignorancia como la Peña Santa, una voluntá como'l Tiatordos. //Fuente: http://www.xuanxose.net/