Uviéu (E.P.) .-La diputada de Foru na Xunta Xeneral del Principáu d'Asturies, Carmen Fernández, criticó esti martes al presidente de la comisión d'investigación sobre la Fundación Niemeyer, Alfonso Román López (PP), pa "prohibir" que se vote la propuesta pa que l'actual patronu del Centru Niemeyer, Manolo Díaz, respuenda per escritu a les entrugues de los diputaos.

   La comparecencia de Díaz taba prevista pa esti llunes, pero, según esplicó Foru, alegó enfermedá pa nun presentase na Xunta Xeneral. D'ehí que solicitaren que respuenda per escritu a les entrugues, al amparu del procedimientu previstu en Llei d'Enxuiciamientu Civil. Pero Carmen Fernández afirma qu'Alfonso Román López prohibió la votación.

   "Tamos seguros de que güei el PSOE va tar contentu col papel del presidente de la Comisión, el popular Alfonso Román", dixo Fernández al traviés d'una nota de prensa.

   Ye más, consideró esti episodiu como "un escándalu", porque'l diputáu del PP "nun dexó nin daqué tan cenciellu y democráticu como votar un propuesta, por más que dexara contentu al lletráu Arias, que nunca tuvo d'alcuerdu con ella, y al restu de los grupos, a los qu'evitó tener que retratase".

   Fernández consideró necesaries les respuestes de Manolo Díaz porque indicó que'l Gobiernu  en funciones del PSOE púnxolu a presidir el Patronatu en xunu 2011 "cuando decidió que nun yera conveniente que lo fora un conseyeru del gobiernu, pa evitar asina que presidiera'l Patronatu'l conseyeru entrante del Gobiernu de Foru".

   "Sigue siendo patronu, magar lo cual el PSOE retardó la so comparecencia alegando que nun conocía la so casa, y agora, depués d'alcontralo en Miami, Díaz alega que ta enfermu y nun pue comparecer", llamentó.

   "Díaz tien d'esplicar la so interesada trayectoria; empezando pol 4 de xunu de 2011, cuando col gobiernu socialista en funciones lleva a un patronatu, a cambiar los estatutos sobre la marcha y nómenlu presidente. Y de xacíu tien qu'esplicar porque nun convocó nenguna xunta del patronatu hasta un añu más tarde, cuando'l PSOE volvió al poder: ¿hubo xuntes clandestines, tal que se deduz d'una acta de José Luis Rebollo?", esplicó.

   Y añadió que Díaz, que llegó a calificar de 'impresionante' el llabor de Grueso, volvió camudar los Estatutos en 2012 pa que yá puea ser presidente la conseyera del PSOE "lo que dexa claro que Díaz incumplió munches de les sos obligaciones".