Dellos miles de persones manifestáronse baxo la lluvia en París esti domingu atendiendo a la llamada d’un collectivu d’organizaciones de derecha, bautizáu “Día de la ira”, coreando consignes desixendo la dimisión del presidente Hollande.

La policía estimó la cantidá de manifestantes nunes 17 mil persones, pero los organizadores calcularon unes 120 mil, una cifra enforma desaxerada según informó la prensa.

Los organizadores, ente los que figuraben movimientos de derecha y ultraderecha, católicos y conservadores, denunciando l’acción destructora del gobiernu socialista. Los manifestantes pidieron al presidente François Hollande que se retirara d’inmediato o de lo contrario nuevos díes de la ira diben persiguilu peles casi enantes d’echalu nes urnes.

Tamién aventaron consignes escontra’l matrimoniu homosexual y a favor de la secesión d’Europa. Partidarios del controvertíu humorista Dieudonné, del que s’acaba de vedar un espectáculu recientemente por mor de la so tonalidá antisemita, afayábense presente na manifestación. Otros oradores pidieron al Parlamentu aniciar un procedimientu de destitución del presidente francés.

Al marxen der la manifestación, una decena de militantes feministes del grupu Femen corearon consignes de protesta, enantes de ser deteníes poles fuerces del orden