La cita, el vienres 14 de febreru, a les 20.00 hores, nel Teatru Auditoriu.

Dos muyeres acaben de sufrir una perda irreparable. Les dos quedaron vilbes. Nel tanatoriu, cuando van recoyer les cenices, afayen que non yá comparten la pena por perder al so home, sinón qu'amás el difuntu ye lo mesmo: tuvieron casaes col mesmu home y namá hai un quilu de cenices a partir ente los dos. La pena inicial tórnase en rabia y fracasu y mientres una d'elles quier saber qué ye'l que tien la otra qu'ella nun tuviera, la segunda prefier olvidárlolo tou cuanto antes y pasar páxina.

Pero esto nun va ser fácil: el difuntu guarda una nueva sorpresa: si quieren heredar daqué d'él tendrán de convivir nun mesmu trío les dos. Dambes son muyeres nuna edá difícil, siéntense engañaes, traicionaes, y obligaes a convivir con una desconocida, que, nun escaezamos yera la "otra". A los pocos confiesen mutuamente les sos debilidaes y dexen al descubiertu los sos mieos, les sos frustraciones, les sos inseguridaes, y, ensin decatase, empiecen a construyir una sólida amistá que les llevará a confesar el so secretu meyor guardáu: dambes creen matar al so difuntu home. Hasta neso asemeyen.

Pero la confesión, en cuenta de ser una lliberación, pasa a ser el mayor problema de la convivencia, porque yá naide puede fiase de naide. Yá ye demasiáu tarde pa fuxir, tán condergaes a entendese, a vivir xuntes una vida nueva... diseñada pa elles por el mesmu difuntu.

Autores: Juan Luis Iborra y Sonia Gómez

Dirección: Juan Luis Iborra

Actrices: Belinda Washington y Miriam Díaz-Aroca

Entrada: 15 euros

Vienta de localidaes:

- Compra antemanada: na Casa de Cultura de Pola de Siero, de llunes a vienres, de 17.00 a 21.00 hores. Sábados, de 11.00 a 13.30 hores

- En taquilla: Entamu de venta dos hores antes del empiezu del espectáculu