La desllocalización de multinacionales y l’apatía cómpliz del “Principado” fai precisa una rempuesta de la sociedá asturiana boikoteando los productos d’eses empreses

Ente la progresible desllocalización d’empreses multinacionales nel nuesu país: Suzuki, Tenneco y agora Coca Cola, y l’apatía cómpliz del “Principado” incapaz non solo de torgar esti procesu sinon mínimamente de desixir responsabilidaes a empreses a les que sovencionó con millones d’euros y qu’agora colen d’Asturies, Andecha Astur fai un llamamientu de rempuesta a la sociedá asturiana de boikot a estes empreses que colen d’Asturies aprofitando la llexislación española que lo permite cenciellamente acreditando una reduición de ventes anque tea beneficios.

Ello asina, faemos un llamamientu a tolos asturianos pa que, de forma solidaria pa colos trabayaores a los qu’estes multinacionales dexen en paru -más de 500- , con ellos mesmos, y col futuru del propiu país, pa que de forma activo dexen de consumir Coca Cola, Suzuki y coches con amortiguadores de Monroe, y que na midía de les sos posibilidaes faigan por qu’esti exemplu s’esparda y xeneralice.