La Ópera d'Uviéu presenta esti xueves 23 de xineru, la ópera Don Giovanni, títulu que cierra la Temporada 2012-2013 y que se va estrenar nel Teatru Campoamor el domingu 26 de xineru.
Con funciones tamién los díes 29, 30, 31 de xineru, y el sábadu 1 de febreru, el Don Giovanni que se va ver nel Campoamor ye una coproducción de la Ópera d'Uviéu y el Theater Magdeburg y va suponer el debú nel rol principal del títulu de barítonu rusu Rodion Pogossov.
Na presentación van tar Pablo Junceda, direutor xeneral de SabadellHerrero, entidá patrocinadora del quintu títulu del ciclu d'ópera uvieina, Alfred Kirchner, direutor d'Escena; Álvaro Albiach, direutor musical d'esta producción y direutor titular de la Orquesta d'Estremadura; los cantantes Rodion Pogossov, María José Moreno y Simón Orfila, y el direutor artísticu de la Ópera d'Uviéu, Javier Menéndez, que va faer un balance del ciclu que se cierra.
