Por mor d’una masiva cayida d’internet en Xina, millones de persones quedaron de sópitu güei ensin accesu a páxines web, redes sociales y otros servicios online. D’alcuerdu coles noticies de la prensa, ensin confirmación oficial, quedaron afectaos cerca de dos tercios de los usuarios.

El motivu pa esta inusual iterrupción podría ser un ataque de hackers. El tránsitu d’internet fue desviáu por razones non esclariaes a la dirección IP estadounidense 65.49.2.178 en California, que nun reaccionó. Por esta razón, al intentar acceder a páxines web, namás aparecía un avisu d’error.

Esos erros podríen ser aprovechaos entós por hackers, que podríen utilizar la dirección IP pa obtener informaciones d’usuarios. Nun se pue excluir tampoco la posibilidá d’un ataque de pirates cibernéticos.

La importante cayida d’internet anició alredor de les 03:00 pm hora local. La más grande parte de les páxines web volvieron tar accesibles unes dos hores depués. Pero’l completu restablecimientu d’internet podría demorar hasta 12 hores más