El Muséu Noordbrabant, na provincia holandesa de Brabante, al sur del país, acueye a partir d’esta selmana once cuadros d’ún de los sos fíos pródigos, el pintor Vicent Van Gogh (1853-1890), qu’enxamás hasta agora tuviera tan bien representáu nuna pinacoteca de la so rexón de nación.
Xunto al únicu cuadru de Van Gogh propiedá de la pinacoteca, “Campesina cavando” (1885), expónense pintures como “Cesta con patatas” (1885) o “Casa Consistorial de Nuenen” (1885), cedíes en préstamu de llarga duración a otros museos y collecciones privaes.
El magnate mexicanu Carlos Slim cedió per seis meses los llienzos “Pastor” y “Granja con campesino”, los dos pintaos pol artista holandés na localidá de Nuenen, que provienen del Muséu Soumaya, de la ciudá de México.
Les once obres compartes l’oscurantismu de la primer época de Van Gogh, qu’en Brabante sintiérase fascináu pola actividá rural que dominaba na rexón nel sieglu XIX.
