Les regles cambien, los presidentes sucédense, el númberu de filmes nominaos a Meyor Película varía, pero una cosa mantiénse inmutable nos premios Óscar: la presencia de Meryl Streep como nominada, qu’esti añu compite por decimoctava vuelta.

Streep, ganadora de tres estatuilles, superó esti xueves el récor qu’ella mesma marcara como l’artista con más postulaciones al Óscar, tres de les candidatuires anunciaes esti xueves pola Academia de les Artes y Ciencies Cinematográfiques, organizadora de la más grande fiesta de Hollywood.

La reina de los Óscar ta en competición esti añu na categoría de Meyor actriz, pol so papel de matriarca drogradicta nel solombriegu drama familiar “August”, na que Julia Roberts interpreta a la so sufrida fía.

Streep, que llevara l’últimu Óscar va dos años pola so encarnación de Margaret Thatcher en “La Dama de Hierro”, yá ficiera hestoria entós al confirmase como una de les principales actrices de la so xeneración. Les sos otres dos estatuilles fueron a Meyor Actriz de Repartu en 1980 por “Kramer versus Kramer” y a Meyor Actriz en 1983 por “La decisión de Sophie”.