Un retratu de Francis Bacon (1909-1992) nel que representa al so amante, George Dyer, va ser subastáu el 13 de febreru pola casa Christie’s de Londres y podría convertise na obra del artista más cara enxamás nunca subastada yá que s’espera qu’algame los 50 millones de dólares (30 millones de llibres).

“Reatratu de George Dyer falando”, que l’artista irlandés pintara en 1966, la so época dorada, fue exhibida nos años 60 en varios museos franceses y británicos y convertiráse nel primer retratu de Bacon que sal a subasta nuna década. Según informó güei Christie’s, la obra fue vista pela última vez nel Reinu Xuníu nuna exposición en Londres en 1967.

La última puya d’una obra de Bacon, qu’empezó a pintar cuando tenía 20 años, fue nel añu 2000 en Nueva York, onde se vendió un retratu por 6,5 millones de dólares. El reatratu d’agora, de dos metros d’altor y qu’utiliza tonos arroxaos y liles, ye un homenaxe al amante y musa del artista, George Dyer, nel que’l protagonista aparez nun cuartu sentáu nuna siella baxo una lluz.

Bacon conoció al so amante na seronda de 1963 nel barriu londinense del Soho y dende esi momentu convirtióse en suxetu de la mayoría de les sos obres, incluyendo esti retratu.