Considera precisa la intervención del Patronatu de Fundaciones y el bloquéu cautelar de cualesquier otra aída o sovención a dicha Fundación

Andecha Ástur considera que los nicios d'un delitu de responsabilidá cuntable” na xestión de la sovención de 800.000 euros concedida pol Conceyu d'Uviéu a la Fundación Gustavo Bueno pa la organización de “Uviéu doce sieglos”, dixebradamente de les responsabilidaes llegales qu’ello pueda acarretar, desixe la intervención imediata del “Principado” al traviés del Patronatu de Fundaciones, asina comu la toma de midíes per parte del Conceyu d'Uviéu bloquiando de forma cautelar cualisquier tipu d'aída o sovención a la mentada Fundación en tantu nun s'esclarien satisfactoriamente les inregularidaes deteutaes.

Nel mesmu sen desixe a la corporación municipal que desmienta si ye a ello les desplicaciones daes pola Fundación Gustavo Bueno cuanu afirma que “l'equipu de gobiernu primero decidió l'importe de la sovención y dempués les actividaes previstes nel plan direutor.” y de tener qu'almitir que son ciertes, asuman les oportunes responsabilidaes tantu d'orde llegal comu políticu.

En postrer términu Andecha Ástur atalanta qu'esta situación ye bien asemeyada a les que davezu suelen xenerase n'otros conceyos y nel mesmu “Principado”” al ser  práutica reinal tantu del PP como del PSOE-IX la xestión de la política cultural en función de la so particulares redes clientelares y del amiguismu, y considera que va siguir repitiéndose mentes talos partíos políticos nun asuman les obligaes práutiques democrátiques y de tresparencia que lo que ye güei son impensables nel nuesu país.