El fundador de Microsoft y filántropu Bill Gates ye la persona más almirada del mundu, per delantre del presidente de los Estaos Xuníos, Barak Obama, nun sondéu ellaboráu pa The Times qu’asitia al xugador del Barça Lionel Messi nel décimoquintu llugar.
Según la encuesta, realizada por YouGov en varios países y de la s’ellabora una llista global, la tercera persona más popular del mundu ye’l presidente rusu Vladimir Putin, catapultáu a los primeros puestos polos numberosos votos que recibe en Rusia. Nel cuartu llugar figura’l papa Francisco y nel quintu’l xugador de criquet Sachin Tendulkar, enforma votáu na India, siguíos del presidente de Xina, Xi Jinping, en sextu llugar.
La primera muyer qu’aparez nel llistáu y, teóricamente, la más almirada del mundu, ye la reina Isabel II, nel puestu 17, siguida d’Angelina Jolie y Oprah Winfrey. YouGov realizó la encuesta ente 14 mil persones nel Reinu Xuníu, onde la persona más votada fue Isabel II y la canciller Angela Merkel figuró en segundu llugar.
La empresa de sondeos, que fizo les entrevistes por internet o teléfonu, dixo que si la encuesta se ficiera estes selmanes atrás el ganador sería l’ex presidente surafricanu Nelson Mandela.
