“La pena abierta”, editáu pol sellu Algamar Producciones, ye’l nome del primer discu en solitario de la cantante ya instrumentista Silvia Quesada. El 17 de xineru, a partir de les 20:00h. tendrá llugar la presentación d’esti trabayu con un conciertu nel Auditoriu Teodoro Cuesta de Mieres.

Pesie a la mocedá. Silvia Quesada (Brañameana, 1986), cuenta con una importante traxectoria musical, na que destaquen los sos collaboraciones como cantante solista en formaciones folk como Tejedor, Los Gatos del Fornu o Blima.

Tamién participara nes grabaciones de discos de la Banda Gaites Cántara, como componente de la mesma, en títulos como “Puerta d’Occidente” (1994), “La leyenda de Nonaya” (1996), “Mar de nubes” (1999) y “Letía” (2004). En 2004 pasa a formar parte del collectivu Muyeres, grupu nel que va tar hasta’l 2011, y col que realizó dos grabaciones: Onde canta la culiebra” (2006) y “Keltikhé” (2007), collaborando tamién nel discu de Celia González, “Cantoras ya bordones” (2007), camo cantante, gaitera y percusionista.

Con Los Gatos del Fornu grabó “Na cai” (2009) y con Blima, “Entamu” (2008). A partir de 2011 entra en Tejedor, que-y pide que ponga la so voz en tres cantares del so discu “Positivu”.

Ayeno al folk, tamién intervino en gran parte de los coros del discu “Dobleces” de cantautor turonés Alfredo González, saliendo tamién de xira cola so banda na presentación del discu.