La Conseyería d'Educación, Cultura y Deporte, en collaboración cola Dirección Xeneral de Política Llingüística, acaba d'editar una versión n'asturianu del folletu de la estación ivernal Valgrande-Payares. Son 9.000 exemplares que yá tán a disposición del públicu na propia estación y que van llevase a les oficines de turismu de L.lena y Uviéu. La xente aficionao a la nieve tamién va poder descargar el documentu en formatu pdf na web oficial de Valgrande-Payares.  

El folletu, desplegable y a tou color, incluye una esplicación detallada de les pistes, los servicios qu'ufierta la estación, distancies quilométriques coles ciudaes del noroeste peninsular y un mapa de pistes cola forma tradicional d'aquelles que tean basaes en topónimos reales (El Val.lón, El Robizu, Penanegra...); tamién se señalen nesi mapa otros nomes d'accidentes xeográficos destacables de la contornada (Cuitunigru, Cuturreúndu, La Col.lá la Ventosa, Xistreo, La Entel.laera, El Val.le Peligrao...).

Equí pues descargar el folletu en formatu pdf.