L’Asociación Furmientu cellebra les XII Xornaes de Cultura Tradicional nes que se van tratar diferentes temes d’interés cultural referíos al patrimoniu cultural y llingüísticu de Zamora y el Reinu de Lleón.
El programa entamará’l 14 de xineru cola conferencia “Fritz Krüger: un alemán por tierras de Sanabria en 1922-1922”, al cargu de Juan Carlos González Ferrero, profesor de Lengua y Literatura del IES Cardenal Pardo de Tavera, de Toro.
El 17 de xineru tendrá llugar la segunda de les conferencies a partir del trabayu sobre “Los nombres de los pueblos de la provincia de Zamora en su forma autóctona, popular y de tradición oral”, al cargu de Fernando Álvarez-Balbuena García, de la Universidá d’Uviéu.
La última de les conferencies va cellebrase’l 21 de xineru y va verdsar sobre “Vida cotidiana en Aliste y Sayago durante la Edad Moderna a través de las fuentes documentales”, impartida por José Lorenzo Fernández Fernández, llicenciáu n’Hestoria.
Toles ponencies van dar empeizu a les 19:30 h. na Biblioteca Pública de Zamora, plaza de Claudio Moyano.
