Según les estadístiques acabantes de publicar pola páxina TorrentFreak –la que lleva la cuenta de les descargues illegales y del intercambiu d’archivos-, la película “El Hobbit: un viaxe inesperáu”, fuera la película más pirateada de 2013.aportando a 8,4 millones de descargues illegales.
La segunda nesti ránkin del piratéu ye la última cinta de Quentin Tarantino, “Django desencadenáu”, con 8,1 millones de descargues. Y, en tercer llugar, “Rápidos y furiosos 6”, con 7,9 millones. Demientres que la serie de televisión más pirateada fuera “Xuegu de Tronos”.
La llista de películes más descagaes complétala: “Silver Lining Playbook”, con 7,5 millones; “Star Trek Into Darkness”, con 7,4 millones; “Gangster Squad”, con 7,2 millones”, “Now you see me”, con 7 millones”, “The Hangover”, con 6,9 millones; y “World War Z”, con 6,6 millones.
