Xixón (E.P.).-La Policía Nacional detuvo a un home de 41 años por un delitu contra la seguridá del tráficu y por atentáu contra un axente, al embestir arremente contra'l vehículu policial que lu persiguía por circular a alta velocidá y sin respetar les señales pel centru de Xixón.

   Según la Policía, los fechos asocedieron la madrugada del sábadu cuando los axentes alcontraron un vehículu na avenida de Portugal, circulando a toa velocidá, faciendo eses, sin les lluces prendíes y sin respetar les señalizaciones.

   Al altor de la cai Carlos Marx los axentes, llogren poner el so vehículu en paralelu al del deteníu y fáen-y indicaciones pa que pare nel arcén. Sin atender los requerimientos fuxe a gran velocidá pela avenida Constitución, onde nun respeta nenguna señal de tráficu.

   Tres una persecución, dan-y algame nel Camín del Cementeriu, onde'l conductor embiste al vehículu policial pa evitar que lu intercepten. Col impactu pinchó la rueda del so turismu, perdiendo momentáneamente'l control de la conducción y teniendo que detenese nel marxe derechu de la calzada.

   Una vez fuera, enfrentóse a los axentes, colos que caltuvo una violenta engarradiella. Tres la so detención, comprobóse qu'un Xulgáu de los Penal de Xixón suspendiéra-y el so permisu de conducir hasta agostu del 2015. Dio positivu d'alcoholemia con una tasa d'alcohol de 0,83 mg/l. Contaba con antecedentes anteriores por fechos similares.