La megaestrella adolescente del pop Justin Bieber punxo a Twiter en llames con un mensaxe nel que dixo que se diba retirar de los escenarios, anque depués unvió otru tuit semando duldes, xusto cuando la so nueva película estrénase nos cines güei.

“Mios queríos beliebers (xuegu de palabres ente l’apellíu d’él y el términu “believer”, siguidor, creyente): retírome oficialmente”, dexó escrito Bieber a los güeyos de los cásique 48 millones de siguidores de la so cuenta en Twiter. El mensaxe fue retuiteáu más de 240 mil veces y los comentarios de les sos fans inundaron la rede social.

Pero, nun tuit de siguío, l’ídolu adolescente canadiense semó duldes sobre los sos planes futuros. “Los medios falen enforma de di. Inventen una montonera de mentires y quieren que fracase, pero yo enxamás vos voi dexar, ser un believer ye un estilu de vida”, escribió.

Lluéu, Bieber tuiteó un trailer de la so última película, “Justin Bieber’s Believe”, que s’estrena esti día de Navidá nos cines de los Estaos Xuníos. El cantante tuviera recientemente problemes en Brasil y Austrralia durante la so xira “Believe”, onde fue acusáu de pintar grafitis nes muries de los hoteles. N’Arxentina suspendió un conciertu y fue expulsáu del hotal nel qu’agospiaba. Y en Río de Janeiro fue fotografíáu saliendfo d’un burdel.