Xixón.- Esti vienres 20 d’avientu, a les 19:00h, nel Atenéu Obreru de Xixón va tener llugar un alcuentru con motivu del 40 aniversariu del Procesu 1001, cola intervenci´ñon de Francisco Prado Alberdi, Presidente de la Fundación Juan Muñiz Zapico, Rubén Vega García, profesor d’Hestoria Comtemporanea de la Universidá d’Uviéu, y Marcos Muñiz Torre, fíu de Juannín, l’asturianu del Procesu 1001. Presenta Luis Pascual, Presidente del Atenéu Obreru de Xixón, y organiza la Fundación Juan Muñiz Zapico, cola collaboración del Atenéu Obreru de Xixón.
El 24 de xunu de 1972, nel Conventu de los Padres Oblancos de Pozuelo de Alarcón fueron deteníos los dirixenhtes de la Coordinadora Xeneral de Comisiones Obreres, aniciando’l denomináu Procesu 1001. Los 10 de Carabanchel fueron: Marcelino Camacho, Nicolás Sartorius, Eduardo Saborido, Francisco García Salve, Fernando Soto, Juan Muñiz Zapico, Francisco Acosta, Miguel Ángel Zamora, Pedro Santiesteban y Luís Fernández Costilla.
El so xuiciu y la so condena diba convertilos en figures públiques, víctimes de la persecución al movimientu obreru y n’especial a les Comisiones Obreres. Con repercusión estatales ya internacionales y con un ampliu movimientu de solidaridá, col sonsiguiente desenmascaramientu del réximen. Un xuiciu a la clase obrera y una demostración tanxible de la falta de llibertá n’España.
La defensa de los encausaos tuvo desarrollada por un grupu d’abogaos y abogaes pertenecientes a toles tendencies del antifranquismu del momentu. Dende prestixosos xuristes como Marcial Fernández Montes, Alfonso del Cossío y Corral, democristianos como Joaquín Ruiz Jiménez, socialistes como Enrique Barón, comunistes del PCE como Manolo López, Vristina Almeida y de la ORT como Francisca Sauquillo, abogaos como Adolfo Cuellar, Guillermo García Lacunza (sustituñiu por Jaime Sartorius) y el mesmu José María Gil Robles.
