La presidencia de la cámara alta del parlamentu paraguayu anunció, esta selmana, la suspensión de los sos tratos col "Polisariu", nomándolu "movimientu separatista armáu".

La presidencia espresó tamién  el sofitu de Paraguay a la llegalidá internacional pol  tratamientu d'esti espediente (Sáhara)", diz un comunicáu del Partíu Autenticidá y Modernidá (PAM), que precisa qu'esti anunciu faese mientres la visita d'una delegación del partíu a esti país, encabezada pol so secretariu xeneral axuntu, Ilias El Omari.

La mesma fonte sorraya qu'esti anunciu foi llanzáu pol presidente de la cámara alta del parlamentu paraguayu, el senador Julio César Velázquez, nun comunicáu publicáu pola presidencia de la mesma, "tres les xuntes que la delegación marroquina, presidida por El Omari, caltuvo cola presidencia de la cámara alta y con dellos diputaos, senadores, responsables gubernamentales, representantes d'organizaciones de la sociedá civil ya inversores, y que se centraren nos tratos  ente dambos países y los medios de promoveles".